FLÓTTAFÓLK OG FØROYAR – FYRILESTRARRØÐ
Flóttafólk eru ein stór og týdningarmikil avbjóðing í altjóða samfelagnum. UNHCR (United Nations High Commissioner for Refugees), sum er flóttafólkastovnurin hjá ST metir, at tað í dag eru áleið 11 milliónir flóttafólk runt um í heimum, sum hava tørv á hjálp.
Í hesum sambandi verður skipað fyri fyrilestrarrøð – mánakvøldið 27. apríl kl. 19:00-22:00 í Løkshøll í Runavík.
Tiltakið er ókeypis og øll eru vælkomin.
Fyrilestrarhaldarar:
Andreas Kamm, aðalskrivari í Dansk Flygtningehjælp
Rúni Joensen, ráðgevi í Vinnumálaráðnum
Ken Nónklett, deildarleiðari á Útlendingastovuni
Regin Jacobsen, stjóri í Bakkafrost
David Im, verkætlanarleiðari Klaksvíkar kommuna
Tiljar skipar fyri áhugaverdum fyrilestrarkvøldið 27. apríl kl. 19:00 í Løkshøll í Runavík. Tiltakið byggir á fimm fyrilestrar, sum á hvør sín hátt fara at umrøða flóttafólka-spurningin við atliti til føroyska samfelagið.
Tiltakið er eitt privat-alment samstarv, tí flóttafólka-spurningurin er samansettur og víðfevndur. Fyrilestrarkvøldið í Løkshøll ber bráð av hesum, og tí fara framløgurnar at lýsa flóttafólka- og útlendingaøki á einum breiðum grundarlagi, eisini við atliti til føroyska samfelagið.
Dansk Flygtningehjælp staðfestir týdningin av felags ábyrgd og einum breiðum samstarvi, tá ræður um at hjálpa flóttafólkum. Felagsskapurin sigur m.a. soleiðis um hesi viðurskifti:
”Beskyttelse af flygtninge er et fælles ansvar – bedre beskyttelse i nærområderne kan mindske strømmen af illegale flygtninge til Europa, men flygtningesituationen er et fælles problem. De fattige lande skal ikke stå alene med byrden. Her har Europa et moralsk og juridisk ansvar”.
Í integrasjónsálitinum hjá Føroya Landsstýri í 2011 stendur m.a. skrivað soljóðandi:
”Flóttafólkamál eru torgreidd. Neyvt umhugsni má tí vera fyri serstøðu Føroya. Um politiska skipanin vil yvirtaka flóttafólkaøkið saman við útlendingaøkinum, er neyðugt, at politiska skipanin leggur uppfyri, at ymsar skipanir skulu verða settar í verk, tí flóttafólkaøkið er fevnt av ymsum altjóða sáttmálum, sum skulu verða hildnir”.
Í leiðreglunum – Corporate Social Responsibility - hjá Bakkafrost um ábyrgdina hjá fyritøkuni mótvegis samfelagnum, stendur m.a. skrivað soljóðandi:
”The values and ethical guidelines of the company require all employees to have a conscious relationship to the company's responsibility to society. This requires the company's employees to demonstrate a high personal morality in executing their assignments for the company”.
Í integrasjónsálitinum, sum Klaksvíkar kommuna hevur gjørt, og sum verður almanna-kunngjørd í næstum, stendur skrivað m.a. soljóðandi:
”Integrasjón er ein tvívegis tilgongd, har bólkar av bæði lokalum íbúgvum og tilflytarum arbeiða saman um at skapa eina sosialt samanhangandi, fíggjarliga livandi og javnbjóðis atkomu fyri allar borgarar til lokalsamfelagið. Integratiónspolitikkurin savnar seg um tær forðingar og avbjóðingar, sum bæði tilflytarar og føroyska fólkið stendur yvir fyri í integratiónstilgongdini”.